Lungkot nang Isang Kaibigan

Sa loob ng isang linggo ang dami mong ipinadama sakin. Sa lahat ng yun nangibabaw ang lungkot bilang kaibigan. Alam ko namang hindi ako kabilang sa mga pinakamatatalik mong kaibigan, pero ang sakit pa ring malaman na kahit kailan ako ang kaibigang handa mong i give up at pabayaan. Mula sa mga birthday greetings na ni minsan hindi mo ginawang espesyal para sakin gaano man tayo ka okay, hanggang sa simpleng pagsagot sa mga posts at tweets. Nakakalungkot na hindi mo makita kung paano kita pinahahalagahan bilang kaibigan. Nakakalungkot na kahit sa simpleng paraan hindi mo maipadama ang iyong pagiging kaibigan. 

Ngunit alam kong hanggang sa pagiging malungkot lang naman ang magagawa ko kasi alam ko magtampo man ako balewala pa din sayo. Hayaan mo natututo na din ako, maging malungkot man ako alam kung bukas o sa darating na mga araw may isang di inaasahang tao na magiging dahilan ng muling pagsilay ng ngiti sa mga labi ko. 

Advertisements

Mga Tanong na Naghihintay ng Sagot 

Saan nga ba talaga ako nakatadhana?

Aling landas ang dapat kong tahakin? 

Kaninong payo ang dapat kong sundin?

Ano ang dapat manaig? 

Puso nga ba o isipan? 

Kailangan pa bang kumapit? 

O magpumiglas sa taling nakakabit? 

Ilang pagkakataon pa ba ang palalampasin? 

Ilang taon pa ang palilipasin? 

Maraming unos pa ba ang kailangang suungin? 

Makakabangon pa ba sa pagkakalugmok? 

Makakaahon mula sa pagkalunod? 

SULAT

Hi Inday! Miss you! 
Naging bestfriend kita noong first year highschool pa lang tayo. Magkasama tayo sa isang malaking barkada (12 lahat). 

Hindi ko din tanda kung kailan eksaktong nagsimula ang pagiging best of friends nating dalawa. Basta dumating bigla yung panahon na tayo na lang lagi ang magkasama. Magkasabwat sa pagbibigay ng mga kakaibang pangalan sa mga manliligaw mo. (Danger! Deep Excavation Ahead, Caution:High Voltage.. etc…) Marami kasi sila (hindi ako bias dahil bestfriend kita, totoong maganda ka lang talaga).

Naalala ko nung sinabi ng isa nating kaklase na pareho daw tayong maldita😂. Wala akong maalalang naging alitan sa pagitan nating dalawa, kahit halos araw araw tayong magkasama. 

Nais kong magpasalamat na simula noong magbestfriend tayo hindi mo ko iniwan. Hindi man tayo madalas magkita at magkasama pagkatapos nating mag-high school, hindi ka naman nagsawa na ipakitang ako lang talaga ang bestfriend mo. Ako pa nga ang nawalan ng oras dahil hindi ako masyadong gumagawa ng paraan para magkasama tayo. Ikaw ang mas ma effort sa ating dalawa. Gaya na lamang ng sulat na ito. Nangako ka at tinupad mo. 

Ilang buwan na din ang nakakaraan nang magsabi ako tungkol sa problema ko sa tungkol sa mga naging kaibigan ko. Hindi ka nagbago, hindi mo ko pinabayaan. Nagsabi ka ng dapat kong gawin at ito naman ay aking pinakinggan. 

Nakita ko ang sulat na ginawa mo, 17 taon na ang nakakaraan, muli akong nagpapasalamat na naging bestfriend kita. Malayo man ako, tandaan mo din sana na ikaw pa din ang bestfriend ko. May mga dumating mang bago hinding hindi nila kayang palitan ang pwestong pagmamay-ari mo. 

See you when I see you Inday! Hindi malayo ang Iloilo 😂 Palagi lang akong nandito para sayo at sa napakagandang pamilya mo. 

Text

Ilang linggo na ring magkatext si J at A simula nung nagkaroon ng issue sa pagkakaibigan nila. Naging civil sila sa isa’t-isa. Hanggang sa isang gabi biglang nagtanong si A sa text kung okay ba talaga sila. Sinabi naman ni J na oo, okay sila. 

Unti-unti namang naging maayos ang lahat sa pagitan nila, hanggang sa dumating na naman ang isang text ni A na alam nyang ikasasama ng loob ni J. Isang maling text na alam naman ni J na hindi sinasadya. Isang text na simula pa lang alam na ni A na maaaring pagsimulan na naman ng di nila pagkakaunawaan. 

Unti-unting bumabalik na naman ang mga pagdududang nararamdaman ni J, hindi nya na alam kung muli ba syang magtitiwala. Kung kelan naman sana nabubuo na ang nabasag na samahan. 

Isang text na maaaring balewala kay A pero maaaring maging dahilan ng muling pag-iwas ni J. 

😑

Bes….

​Ayoko na Bes…

Hindi ako sanay sa ganitong klase ng pagkakaibigan. Hindi kasi ako yung tipo ng kaibigan na sanay na makipag-away. Hindi ako yun Bes, alam mo yun. Sinabi ko sayo yan nung una tayong nagkasagutan. Sa inyo lang ako nakipag away ng ganito kahit itanong mo sa mga kaibigang unang naging parte ng buhay ko. 

Nakakapagod na yung away-bati, magtetext at hindi, magpapansinan at magdedeadmahan, magbebes at hindi. Tama na, sobrang tanda na natin para sa ganito. Okay na ko, okay ka na tigilan na natin ang ‘bes’ na tawagan. Pwede na tayong magkalimutan. Okay na tayong magkakilala na lang. Maghanap na lang tayo ng mga bago nating kaibigan. Ingat ka palagi at hangad ko na maging mas matagumpay ka pa sa buhay. 

Ako :)

Antisocial! Boring ang life!

Ganyan ako kung ilarawan ng isang kaibigan at isang dating kaibigan. Medyo masakit noong una, pero kaibigan ko nga sila kaya nila nasabi yun. 

Mas masaya kasi akong sa bahay lang at nagbabasa ng libro. Nakakapagod kasi minsan ang dumaldal ng dumaldal. 😂 Masaya akong nakakakulong sa kwarto.

Tinanggap ko din agad na ganun nga ako. Hindi naman ako yung tipong wala talagang “social life”, mapili lang talaga ako ng mga sinasamahan ko. Hindi din naman ako yung sobrang KJ at kaya ko namang makisama kahit kanino. 

Kailangan kong magbago pero ayokong gawin dahil lang sinabi ng ibang tao. Alam kong tanggap ako ng mga taong mahal ako sa kung ano at sino ako. Unti-unti magbabago ako para muna sa sarili ko. Pag natanggap ko na ang pagbabago ko maaring maging mas mabilis din ang pagbabago ko para sa ibang tao.

;););)

Panibagong Taon

Kapapalit lang ng taon at kapapalit lang din ng edad ko. 😝😝 Isang panibagong taon na puno ng pag-asa at pakikibaka. Salamat sa lahat ng nakaalala at mas piniling maging bahagi pa din ako ng kanilang 2017.

Manigong bagong taon!